Dharm Gyan

श्री शिव पञ्चाक्षर स्तोत्रं के पाँचों श्लोकों में क्रमशः न, म, शि, व और य है। न, म, शि, व और य अर्थात् नम: शिवाय ।  इसलिए यह पञ्चाक्षर स्तोत्रं शिवस्वरूप माना जाता है। ।। श्री शिव पञ्चाक्षर स्तोत्रम् ।। नागेन्द्रहाराय त्रिलोचनाय भस्माङ्गरागाय  महेश्वराय । नित्याय शुद्धाय दिगम्बराय तस्मै ' न ' काराय नम: शिवाय ॥1॥ मन्दाकिनीसलिलचन्दनचर्चिताय नन्दीश्वरप्रमथनाथमहेश्वराय । मन्दारपुष्पबहुपुष्पसुपूजिताय तस्मै ' म ' काराय नम: शिवाय ॥2॥ शिवाय गौरीवदनाब्जवृन्द सूर्याय दक्षाध्वरनाशकाय । श्रीनीलकण्ठाय वृषध्वजाय तस्मै ' शि ' काराय नम: शिवाय ॥3॥ वसिष्ठकुम्भोद्भवगौतमार्य मुनीन्द्रदेवार्चितशेखराय । चन्द्रार्कवैश्वानरलोचनाय तस्मै ' व ' काराय नम: शिवाय ॥4॥ यक्षस्वरूपाय जटाधराय पिनाकहस्ताय सनातनाय । दिव्याय देवाय दिगम्बराय तस्मै ' य ' काराय नम: शिवाय ॥5॥ पञ्चाक्षरमिदं पुण्यं य: पठेच्छिवसन्निधौ । शिवलोकमवाप्नोति शिवेन सह मोदते ॥6॥ ।। इति श्रीमच्छङ्कराचार्यविरचितं शिवपञ्चाक्षरस्तोत्रं सम्पूर्णम् ।। ...

।। श्री शिव प्रातः स्मरण स्तोत्रम् ।। प्रातः स्मरामि भवभीतिहरं सुरेशं  गङ्गाधरं वृषभवाहनमम्बिकेशम् । खट्वाङ्गशूलवरदाभयहस्तमीशं  संसाररोगहरमौषधमद्वितीयम् ॥१॥ प्रातर्नमामि गिरिशं गिरिजार्धदेहं  सर्गस्थितिप्रलयकारणमादिदेवम् । विश्वेश्वरं विजितविश्वमनो S भिरामं संसाररोगहरमौषधमद्वितीयम् ॥२॥ प्रातर्भजामि शिवमेकमनन्तमाद्यं वेदान्तवेद्यमनघं पुरुषं महान्तम् । नामादिभेदरहितं षड्भावशून्यं संसाररोगहरमौषधमद्वितीयम् ॥३॥ प्रातः समुत्थाय शिवं विचिन्त्य श्लोकत्रयं ये S नुदिनं पठन्ति । ते दुःखजातं बहुजन्मसंचितं हित्वा पदं यान्ति तदेव शम्भो: ॥

।। श्री विन्ध्येश्वरी स्तोत्रम् ।। निशुम्भ-शुम्भ गर्जनीं, प्रचण्ड मुण्ड खन्डिनीं । वने रणे प्रकशिनीं, भजामि विन्ध्यवासिनीम् ॥ त्रिशूल मुण्ड धारिणीं, धराविघातहारिणीं । गृहे - गृहे निवासिनीं, भजामि विन्ध्यवासिनीम् ॥ दरिद्र्  दुःख हारिणीं, सदा विभूतिकारिणीं । वियोगशोक हारिणीं, भजामि विन्ध्यवासिनीम् ॥ लसत्सुलोल लोचनं, लता सदम्बरप्रदां । कपाल - शूल धारिणीं, भजामि विन्ध्यवासिनीम् ॥ कराब्जदानदाधरां, शिवाशिवां प्रदायिनीं । वरा - वराननां शुभां, भजामि विन्ध्यवासिनीम् ॥ कपीन्द्र - जामिनीप्रदां, त्रिधास्वरूपधारिणीं । जले - थले निवासिनीं, भजामि विन्ध्यवासिनीम् ॥ विशिष्ट - सृष्टिकारिणीं, विशालरूप धारिणीं । महोदरे - विशालिनीं, भजामि विन्ध्यवासिनीम् ॥ पुरन्दरादिसेवितां, मुरादिवंशखंडिनीं । विशुद्ध - बुद्धिकारिणीं, भजामि विन्ध्यवासिनीम् ॥ ।। इति श्री विन्ध्येश्वरीस्तोत्रम् समाप्त ।।